Ang aking mahal na ina

Ilaw ng tahanan kung siya'y tagurian
Dakilang handog ng Diyos sa tahanan
Sinuman ay tiyak na maliligayahan
Sataglay na buti kanyang katauhan.

Ako, ikaw at siya, sadyang mamamangha
Sa mapag-arugang puso niya na isang biyaya
Alin pa kayang pag-ibig ang makakamangha
Sa ganoong pag-ibig na batbat ng hiwaga.

Saanman at kailanman, siya'y masasandalan
Kandili niya sa atin, mapapantayan
Mahal na ina, ikaw ang aming kahilingan
Sakripisyo mo, kailan pa namin matutumbasan?

Lahat ng hilahil, iyong nilalagpasan
Ito'y kadakilaan na alay kaninuman
Puno ng saya, bawat isa sa tahanan
Sa pagmamahal mo na ipinararamdam.

Mahal na ina, higit ninuman
Dito sa puso namin, ikaw ay maninirahan
Salamat sa lahat, sadyang di malilimutan
Sa inyong mga ibinigay mula nung kami'y isinilang.